25-26 ақпан аралығында ҚР Білім және ғылым министрлігінің республикалық физико-математикалық мектебінің мұғалімдері «Сaravan of Knowledge» жобасы аясында облыс мектептерінің мұғалімдеріне екі күндік семинар өткізді.

Семинар барысында мұғалімдер география, математика, физика, химия, биология пәндерін тереңдетіп оқуда STEM педагогика әдістерін қолдану және дарынды оқушыларды олимпиадаларға дайындаудың тиімді жолдарымен танысты.

Қазақстан Республикасы Білім және ғылым министрінің 2020 жылғы 24 маусымдағы № 264 бұйрығы және Жамбыл облысы әкімінің 2021 жылғы 6 қаңтардағы №2 қаулысына сәйкес 2021-2022 оқу жылына 1-сыныпқа құжаттарды қабылдау 2021 жылдың 1 сәуірінен бастап  EGOV.KZ электрондық үкіметінің порталы арқылы жүзеге асырылады.

Ата-аналарға порталдың «Білім» бөлімінен «Орта білім» бөліміне өту қажет. Ары қарай «Білім беру ұйымдарына құжаттарды қабылдау және оқуға қабылдау» қызметін таңдап, қажетті құжаттарды қоса жолдай отырып өтініш беру жеткілікті. 

Бірінші сыныпқа өтініштер ағымдағы жылдың 1 сәуірінен 1 тамызына дейін қабылданады.

Бастауыш білімнің жалпы оқу бағдарламаларын іске асыратын білім беру ұйымдары дайындық деңгейіне қарамастан, білім беру ұйымы қызмет көрсететін аумақта тұратын барлық балалардың қолжетімділігін қамтамасыз ете отырып, алты жастағы және күнтізбелік жылда алты жасқа толатын балаларды бірінші сыныпқа қабылдауды қамтамасыз етеді.

Балаларды бірінші сыныпқа қабылдау үшін қажетті құжаттар:

Жамбылдық оқушылардың 6 ғылыми жобасы Ө.Жолдасбеков атындағы ХІ Халықаралық конкурста үздік атанды.

Халықаралық сайыста облыстық іріктеуден өткен 13 оқушы 9 жобамен қатысып, математика, қолданбалы математика, механика және экономика секциялары бойынша ғылыми зерттеулерін қорғады. Нәтижесінде 6 жоба жеңімпаз атанды.

Алтын медальді Тараз қаласындағы №5 мектеп-гимназиясының оқушысы Аштаева Аяулым жеңіп алды.

Күміс медальді Тараз қаласындағы №40 гимназиясының оқушылары Ким Сабрина мен Байлина Айза, Дарынды балаларға арналған мамандандырылған «Дарын» мектеп-интернатының оқушысы Қалмұхамбет Жансерік иеленді.

Қола медальді Тараз қаласындағы №1 гимназиясының оқушысы Жаркынова Аружан, Дарынды балаларға арналған мамандандырылған «Дарын» мектеп-интернатының оқушылары Бидайшиев Шыңтас пен Раушанова Ардақ, 11-сынып оқушылары Әділхан Амина мен Қайрат Меруерт иеленді.

Жас зерттеушілерді және олардың жетекшілерін жеңістерімен құттықтаймыз!

1 наурыз күні облыстық оқу-әдістемелік кабинетінің ұйымдастыруымен білім бөлімдерінің әдіскерлері, математика, физика пәндерінің мұғалімдеріне арналған «Оқушылардың функционалдық сауаттылығын дамытуда PISA, TIMSS тапсырмаларының өзектілігі мен ерекшеліктері» тақырыбында онлайн семинар-практикум өтті.

Іс-шара барысында оқушылардың функционалдық сауаттылығын дамытуда халықаралық зерттеу тапсырмаларының өзектілігі, құрылымы мен ерекшеліктері, PISA, TIMSS тапсырмаларын сабақ барысында тиімді қолдану, есептерін шығару жолдарының түрлі тәсілдерін көрсету бойынша ұсынымдар берілді.

Аталған іс-шараға облыстың 221 математика, физика пәндерінің мұғалімі қатысты.

Білім басқармасының ұйымдастыруымен 2 наурыз күні онлайн режимде облыстық «Ата-аналар күні» өтті.

Жиында білім басқармасының бөлім басшысы Г.Дарибаева облыс мектептеріндегі ата-аналар комитеттерінің, аудандық, қалалық ата-аналар кеңесінің төрайымдары мен төрағалаларына, білім бөлімдерінің жауапты қызметкерлеріне бұл күннің маңыздылығын атап өтті.

Басқосу барысында облыстық ата-аналар комитетінің төрағасы Р.Нұрақбаев ата-аналар кеңестері мен комитеттерінің 2021 жылғы жұмыс жоспары туралы баяндап, атқарылатын жұмыстарға шолу жасады.

Кездесу соңында қатысушылар өздерін толғандырған мәселелер бойынша пікір алмасып, «Аналар мектебінің» жұмысын саралады.

Өмірлік қиын жағдайдағы балаларды қолдау орталығында 1 - Наурыз Алғыс айту күніне орай «Тәуелсіздік бәрінен қымбат» атты мерекелік іс-шара ұйымдастырылды.

Мақсат тәрбиеленушілердің азаматтық, отансүйгіштік сезімдерін қалыптастыру. Ұлттық мәдениетті сақтауын, қарым-қатынас машықтарын дамыту.

Мерекелік кеште балалар өз елінің тарихын театрлық көрініс арқылы сомдап, өнерлерін концерттік бағдарлама арқылы тарту етті.

Іс-шара соңында, орталықта тәрбиеленген тәуелсіздік құрдастары ел егемендігінің 30 жылдығына арнайы құттықтау тілектерін бейнебайланыс арқылы жеткізді.